Бүген  район  педагог-психологы Габидуллина Фәйрүзә  Хәмит кызы тарафыннан 1 нче сыйныф укучыларының  мәктәпкә  әзерлек  дәрәҗәсе тикшерелде, 9 нчы сыйныф укучыларына   дәүләт имтиханнарына  әзерләнү  буенча  психологик  ярдәм  күрсәтелде  һәм  калган сыйныф  укучыларына  психологик  тренинглар  үткәрелде.

Бүген  2  нче  сыйныф  укучылары  рус  теленнән  Бөтенроссия  тикшерү  эше  эшләделәр.

      Бүген  мәктәптә   Кәүҗияк  авыл  җирлеге  Башкарма  комитеты  белән  берлектә  “ Өлкәннәр   көне”  билгеләп  үтелде. Авылыбыз   өлкәннәре алдында   укучыларыбыз   шигырь, җыр һәм бию  белән  чыгыш  ясадылар.

5  нче  сыйныф   укучылары   рус  теленнән   мониторинг  эше  эшләделәр.

“Көзге  игелеклелек  атналыгы”н   йомгаклап, “Бер-беребезгә игътибарлы  булыйк  һәм  игелекле  эшләр  кылыйк!”  дигән  девиз  астында,  5-8 нче сыйныф  укучылары   белән  флешмоб  оештырылды.

   Бүген  мәктәбебездә   барлык  сыйныф   укучылары   өчен   “Үз  иминлегебезне  үзебез  кайгыртмасак, кем  кайгыртыр  икән?  исеме астында  әңгәмә  узды. Җәяүлеләрнең  киемнәрендә  булырга  тиешле  яктылыкны  кире  кайтаручы  элементлар, әлеге  элементларның  иминлек  өчен   ни дәрәҗәдә  кирәклеге  турында  сөйләнде. Соңыннан  укучылар   яктылыкны  кире  кайтаручы  элементлар: тасмалар, фликерлар  һәм  беләзекләрне  дөрес  куллануга  реклама  ясадылар.

7, 8 нче  сыйныф  укучылары   өлкән   яшьтәге   Рәбига  апа  белән   Рифкать  абыйга  хуҗалык   эшләрендә   булыштылар.  

Атналык  дәвам  итә.

Башлангыч  сыйныф  укучылары  "Көзге  игелеклелек  атналыгы"нда  катнаштылар.