Бүген Илексаз мәктәбендә 9 нчы сыйныфлар өчен соңгы кыңгырау чыңлады. Быел 9 сыйныфны 3 укучы тәмамлый. Аларны мәктәп директоры И.И.Нуртдинов, Илексаз авылы җирле үзидарәсе җитәкчесе Гыйльфанов Ф.М., Сарман районы Пенсия Фонды җитәкчесе Харисов А.,М., Мәгариф бүлегенең туклану бүлеге баш белгече Мухамадиева А.А, башлангыч сыйныф укытучылары Хуҗина З.А., сыйныф җитәкчеләре Салихова Р.Р., әти-әниләре бәйрәм белән котладылар, имтиханнарны уңышлы тапшыруларын теләделәр, ярышларда призлы урынны алган укучыларны, фән олимпиадаларында җиңүче булган укучыларга Мактау грамотасы тапшырдылар. Бәйрәм шатлыклы җырлар, матур шигырьләр белән бергә үрелеп барылды. Тантана 8-9 нчы сыйныф укучылары әзерләгән вальс белән тәмамланды. Соңыннан барысы да истәлеккә фотога төштеләр.