Бүген мәктәбебез кабат зур югалту кичерә. Мөхтәрәм хезмәттәшебез, хезмәт ветераны, күпләрнең остазы Төхбатова Римма Салихҗан кызы арабыздан китте. Римма апа үз гомерен балаларга  туган телебездән  белем бирүгә багышлады. Татар теле мәктәпләрдә төрле чорлар кичерде. Аның расписаниеләрдә иң соңгы сәгатьләргә куелган, факультатив форматына  калган вакытлары да, күтәрелеш кичергән көннәре дә булды. Римма Салихҗан кызы үзенә генә хас бер сабырлык,  рухи ныклык, ышаныч белән милли тәрбия бирде, ана теленең байлыкларына төшендерде. Балалар белән эшләде, алар аша  әти-әниләр, әби-бабайлар белән буыннар бәйләнешен ныгытты. Аннан күп нәрсәгә өйрәнеп була иде.  Тормыш иптәше Анур абый белән матур гаиләдә игелекле балалар тәрбияләп үстерү, күршеләре, туганнары, бистә халкы өчен өлге була алу - зур мәртәбә түгелме?!  Мөгаллим  мәктәп тарихында  якты эз калдырды., намуслы хезмәте белән кешеләр ихтирамына иреште. Тыныч йоклагыз, Римма Салихҗановна, авыр туфрагыгыз җиңел, караңгы гүрләрегез якты булсын. Барысы өчен дә рәхмәт Сезгә!  Без якыннарының тирән кайгысын уртаклашабыз.

Ушла из жизни ветеран педагогического труда, любимый учитель многих ребят, уважаемая коллега учителей, наставник молодых учителей, прекрасная мама, прекрасный человек Тухбатова Римма Салиховна. Память о ней будет жить в наших сердцах.