Туган тел, Тукай бәйрәме көне алдыннан мәктәптә очрашу булып узды. 9 нчы сыйныф кызлары һәм егетләре  «Дуслык» фольклор ансамбле белән җылы җырлы әңгәмәдә катнаштылар. Түгәрәк өстәлне хәтерләткән сөйләшүдә сүз татар халык көйләре, аларның тарихы, җырның кеше тормышындагы әһәмияте турында барды. Ансамбльгә йөрүче апалар, аларның сәнгать җитәкчесе Гатиятуллина Нәвия Раудат кызы, баянчы Якупов Ришат Гатифулла улы үзләренең сәнгатькә килү юллары, ансамбльнең тарихы, эшчәнлекләре белән таныштырдылар. Һәр чыгыш татар җыры белән үрелеп барды, күңелне иркәләде. Олы тормыш юлына кузгалырга әзерләнүче тугызынчыларга «Ак калфак» оешмасы җитәкчесе Гүзәлия Нух кызы Гарипова,  чараны йомгаклап, киңәшләрен бирде, милләтпәрвәр булып яшәргә чакырды.

Сегодня состоялась  встреча с членами фольклорного ансамбля «Дуслык». Перед девятиклассниками выступили Навия Раудатовна Гатиятуллина, баянист Ришат Гатифуллович Якупов и руководитель общественной организации “Ак калфак” Гарипова Гузалия нуховна.