Бөек Җиңүнең 70 еллыгы алдыннан Җәлил китапханәсендә “Сугыш темасы – әдәбиятта” исеме астында кичә оештырылды. Анда мәктәбебезнең 10, 7 нче сыйныф укучылары катнашты. Җәлил мәктәбе укучыларыннан тыш, кичәдә китапханә мөдире Г.Н.Гарипова, М.Әмирнең “Миңлекамал” драмасы герое булган Миңлекамал апаның кызы Гөүһәр Сөләйманова, районыбызның Бөек Ватан сугышы һәм крайны өйрәнү музее җитәкчесе Д.М.Кашипова, хезмәт ветераны, туган як тарихын өйрәнүгә,җыюга күп көч куйган М.Кәлимуллина, “Җәлил чаткылары” әдәби берләшмәсе шагыйрәләре, җырчылар Г.Шиһапова, Ф.Соловьева чыгыш ясады. Кичәне мәктәбебезнең татар теле һәм әдәбияты укытучысы Л.К.Шәйдуллина алып барды.