25  нче   апрель    көнне    Мәдәният    сараенда   татар   халкының   бөек шагыйре   Габдулла   Тукайның   тууына  128   ел  тулу уңаеннан   бистәкүләм   шигырь     бәйрәме   үткәрелде. Бу   бәйрәмшигъри  җанлы  татар кешеләрен: “Җәлил   чаткылары”  әдәби берләшмәсе   шагыйрьләрен ,укытучыларны , укучыларны, тәрбиячеләрне һәм  кечкенә  балаларны   зур  залга җыйды. Һәммәбез  дә   горурлану, сөенү хисләре белән бистәбез   шагыйрьләренең   шигырьләрен, ”Ак  калфак”  ансамбле   башкаруында  татар халык җырларын   тыңладык,малайларның   татарча   биюләрен карадык. Балалар   бакчасында тәрбияләнүче    балалар   Г.Тукайның    шигырьләрен   уйнап күрсәтсәләр, мәктәп укучылары  шагыйрьнең төрле елларда язылган шигырьләрен сәнгатьле итеп сөйли белүләре белән  бәйрәмне ямьләндереп җибәрделәр. Безнең  мәктәптән IV Вкласс укучысы Фазлыева Зәлинә,VIIА  класс укучысы Афзалова Резеда һәм  XА  класс укучысы  Нуриева  Гөлшат  уңышлы  чыгыш  ясадылар. Бәйрәм  туган  телебезне яратырга өйрәтүче”Туган тел” җыры белән төгәлләнде.