Көннәр аяз,күктә алсу

Нур сибеп кояш көлә

Җиргә тама көмеш тамчы

Сагынып көткән яз килә

 Бүген бездә район  методик берләшмәсе булып узды. Анда татар һәм рус теле тәрбиячеләре катнаштылар. Зурлар төркемендә Федорова Г.Х. ачык шөгыль күрсәтте, ул балалар белән Сарман урамнары буйлап истәлекле җирләрдә булдылар. Мәктәпкә әзерлек төркемендә Калимуллина Ф.Р., Хабибуллина Л.Ф. музыка җитәкчесе Фаттахова Г.Ф. туган як турында ачык мероприятие күрсәттеләр. Шөгыль һәм мероприятие бик матур булды, балаларның белемнәрен тәрбиячеләр тагын да ныгыттылар. Фасхутдинова Г.А. килгән тәрбиячеләрне Сарманның тарихы белән таныштырды, ә Шакирова Л.Т. балалар бакчасында патриотик тәрбия ничек оештырыла шуның  турында сөйләде.

 Һәр ел саен килә бу бәйрәм

Һәр көн туган кояш шикелле

Еллар саен данлый бу бәйрәм

Гүзәл кеше - Әни кешене.

 Әниләргә безнең бүген

Иң кадерле сүзебез

Шат биюләр, матур җырлар,

Төрле шигырьләр,уеннар,-

Сезгә дип әзерләдек

Бүләк итеп үзебез!

Кадерле әниләребез

Чал чәчле әбиләребез

Бәйрәм белән котлый бүген

Сезне ул һәм кызларыгыз!

 Әниләрдән газиз кем бар җирдә?

Алар күңелендә -  изгелек.

Әниләрне, зинһар саклый белик

Авыр сүзләр әйтеп рәнҗетмик.

 Бүген бакчада зурлар төркемендә әтиләр бәйрәме узды. Бәйрәмгә бик күп әтиләр, бабайлар һәм абыйлар килгәннәр. Балалар  аларга багышлап җыр, шигырь һәм биюләр әзерләгәннәр. Бәйрәм бик күңелле узды. Бакча коллективы барлык әтиләрне, абыйларны, бабайларны бәйрәм белән КОТЛЫЙ!