Куст методик берәшмә утырышында "Лилия" балалар бакчасы педагоглары үзләренең эш  тәҗрибәләре белән уртаклаштылар. Икенче кечкенәләр  төркеме тәрбиячесе Гайнемова Сирина Ринат кызы   "Әйдәгез дус булыйк" темасына  белем бирү эшчәнлеге тәкъдим итте, зурлар төркемендә эшләүче беренче квалификацион категорияле тәрбияче Минниязова Гөлназ Рәис кызы  "Инсафлының теле саф" дигән темага белем бирү эшчәнлеге күрсәтте, мәктәпкә әзерлек төркеме тәрбиячесе Галиакберова Илмира Мөзәккир кызы "Яхшылык җирдә ятмый" дип аталган белем бирү эшчәнеге уздырды һәм  физик тәрбия инструкторы Бекмурзина Гөлназ Мөсәвир кызы "Дуслык  планетасына сәяхәт" дигән эшчәнлек  күрсәтте. Куст методик берләшмә утырышында катнашучылар тарафыннан уздырылган белем бирү эшчәнлекләре яхшы бәяләнде. Утырышның теоретик өлешендә балалар бакчасының өлкән тәрбиячесе Хасаншина Фирая Зәкәрия кызы "Мәктәпкәчә яшьтәге балаларга әдәп - әхлак тәрбиясе бирү" исеме астында чыгыш тәкъдим итте. Утырыш кызыклы  һәм файдалы узды.