27 ноябрь көнне «Зур Нөркәй урта гомуми белем бирү мәктәбе”нең  8 класс укучылары, класс җитәкчесе белән берлектә әниләр бәйрәме алдыннан  “Яшәгез Сез, шатлык, саулык белән” темасы буенча гаилә бәйрәменә багышланган кичә уздырды.Тату гаилә- бәхетле гаилә, ди халкыбыз. Бер галим аны ”җанга шифалы ял “ дип атаган, икенчесе  “сыену  урыны” дигән. Кешенең иң зур бәхете – аның гаиләсе. Тигезлектә гомер иткән ата-ана белән үскән бала – иң бәхетле бала. Укучылар  әти-әниләргә багышланган җырлар җырладылар, шигырьләр сөйләделәр, уеннар уйнадылар, матур биюләрен бүләк иттеләр. Кичә чәй өстәле артында үтте.