1 сентябрь -“Белем бәйрәме” безнең Зур Нөркәй урта гомуми белем бирү мәктәбендә ел саен бик күңелле уза. Быелгы тантана да һәркемнең исендә калырдай, күңелләрдә озак сакланырдай итеп оештырылды. Бәйрәмне мәктәп директоры Ләйлә Назимовна ачып җибәрде. Ул 11 классларны соңгы тапкыр  “Белем бәйрәме”н уздырулары, 1 нче сыйныф балаларын Белем иленә аяк басулары белән тәбрик итте. Алдынгы укучыларга, эшләрендә уңышларга ирешкән укытучыларга грамоталар тапшырылды. Бәйрәм тантанасында әти-әниләр, ветеран укытучылар катнашты. Район хакимияте башлыгы урынбасары Гәрәева Гүзәл Рифкатовна, Нөркәй агрофирмасы директоры урынбасары Шәйхеразиев Хәлил Шәйхелисламович, җирле үзидарә башлыгы Гайсин Рәшит Мохтарович та мәктәп коллективын, балаларны бәйрәм белән чын күңелдән котладылар, бүләкләр тапшырдылар.

11 нче сыйныф укучыларының да бәйрәм чыгышы бик матур булды. Ул бик күп конкурслар дипломанты булган 11нче сыйныф укучысы Хайруллин Айратның җырлавы белән башланып китте. Тантана кыңгырау чыңы, көчле кул чабулар астында 11ләрнең 1нче сыйныф балаларын классларына озатып куюлары белән тәмамланды.