Бөек Җиңүнең 69 еллыгы якынлаша. 9 май – илебез тарихында алтын хәрефләр белән язылган, сөенечле Җиңү тантанасына ачы күз яшьләре , зур югалтулар ачысы кушылган көн икәнен барыбыз да яхшы беләбез.   Әйе, илебез тарихына, аның  бөек җиңүләренә без хөрмәт белән карыйбыз. 9 май, Җиңү бәйрәме алдыннан Зур Нөркәй урта мәктәбендә дә бик күп матур чаралар уза. Шуларның берсе – класслар арасында “Строевая подготовка” конкурсы. Бу конкурска бөтен мәктәп ныклап әзерләнде. Конкурс “Строевой шаг, строевая подготовка” турында видеоязма карау белән башланып китте. Аннан ярышлар дәвам итте.  Командирлар төгәл итеп командалар бирәләр. Ә стройдагы укучыларны танырлык та түгел, чын солдатлар диярсең! Ярыш кызганнан-кыза барды. Жюрига “Иң-иң”нәрен сайлап алу да бик авыр булды. Зурлар арасында 1 нче урын  10 класска бирелде. Конкурс бик кызыклы һәм файдалы узды.