Эзтабар –ватанда алдынгы яшь буын

Эзтабар – күңелле балачак еллары.

Эзтабар – хезмәттә мәхәббәт уята

Чын дуслык тудырып сафларын ныгыта.

22 нче ноябрь -  мәктәбебездә бик истәлекле көн булды. 2 класс укучыларын эзтабарларга, 5 класс укучыларын варисларга кабул иттек. Дружина сборы,  тантаналы төстә, байрак кертү белән башланып китте. Һәр отрядның командиры  дружина советы председателенә рапорт тапшырды. Дружина советы председателе укучыларны эзтабарларның, варисларның кагыйдәләре белән таныштырды. Кагыйдәләр язылган кәгазьне 2 нче һәм 5 классларга тапшырды. Җыенның иң дулкынландыргыч минутлары- ант бирү булды. Ант биргәннән соң, һәр отрядның вожатые укучыларга галстуклар  тактылар. Өлкән оештыручы 2 класс укучыларының чын эзтабар булуларын  раслый торган таныклыклар тапшырды. Аннан соң эзтабарлар өлкән оештыручы белән “Балачак” утравына сәяхәткә чыктылар. Бу утрауга барып җиткәнче аларга бик күп сынаулар үтәргә туры килде. Бәйрәмнең икенче өлеше эзтабарлар, варислар әзерләгән концерт номерлары белән дәвам итте. Бәйрәм бик күңелле үтте. Залда карап утыручыларга да төрле күңелле уеннарда катнашырга туры килде. Соңыннан мәктәбебез директоры Ләйлә Назимовна эзтабарларга, варисларга истәлекле бүләкләр тапшырды.