Язучыны үз халкы тудыра.Ул аны үстерә, аңа канатлар бирә,очышын борчылып һәм куанып күзәтә - зур әдипләре булган халыклар, үз чиратында канатлы һәм мәңгелек. Безнең татар халкы үтә үзенчәлекле язмышлы, фаҗигале тарихы, даими үткәне, яңарышка юл тоткан бүгенгесе һәм киләчәгенә өмете булган бер халык. Безнең көннәрдә исә аның гали рухын, әле дә яшеренеп яткан биниһая көчен, мөмкинлекләрен күрсәтер җан көзгесе булган язучыларыбыз бигрәк тә кирәк. Шөкер, алар бар. 

Безнең Юлтимер мәктәбендә шуларның  берсе – Миргасыйм Гаскәрев кунакта булды. Шушы көннәрдә аның “Күңелем мизеллләре” дигән китабы дөнья күрде. Аның бу китабына 100 дән артык  шигырь, парчалар  һәм язучының чечен сугышы уңаеннан уйланулары тупланган.   Миргасыйм Гаскәрев төрле буын кешеләре өчен  яза.

Очрашуда Татарстан Республикасының атказанган мәдәният хезмәткәре, җырчы- композитор Рафис Уразаев та катнашты.  Ул үз гомерендә бик күп авылларның мәдәният директоры булып эшли. Аның Миргасыйм абый сүзләренә язылган “Сарманым” җыры киң таралыш алды. Очрашу авыл халкына  бик ошады.