Һәрберебезнең дусты бар. Булмаса, безнең аны табасы килә. Чөнки дуслык бит ул зур байлык. Буген “Зур Нөркәй урта гомуми белем бирү мәктәбе”нең  башлангыч сыйныфларында  үткәрелгән  класстан тыш чарада   "Чын дус нинди була?” дигән сорауга без җавап эзләдек .Дөньяда ялгызлыктан да авыр нәрсә юктыр. Шуңа күрә кечкенәдән үк кешеләр белән аралаша, үзеңә дуслар сайлый белергә кирәк. Кем соң ул дус? Дус-ул синең сыйныфташың, партадашың, кечкенәдән бергә уйнап үскән күрше кызы, я малае. Ә инде чын дус дип аталучы бер генә буладыр ул Ул синең серләреңне саклый белергә, кирәк урында сине якларга тиеш.Укучылар дуслык турында бик күп мәгълүмат алдылар.“ Син дустыңны беләсеңме?” дигән викторина сорауларына җавап эзләделәр. Класстан тыш чара  “Дуслык” җыры белән тәмамланды.