Бүген Йосыф -Алан авылында бик матур бәйрәм булды. Авыл клубына сугыш чоры балалары, тыл ветераннары җыелды. Кичә клуб мөдире Илгизә Зиннатулловнаның, җирле үзидарә башлыгы Талип Рашитовичның котлау һәм рәхмәт сүзләре белән башланып китте. Балалар бакчасында тәрбияләнүче балалар үзләренең матур чыгышлары белән әбиләрнең һәм бабайларның күңелләрен нечкәртеп җибәрделәр. Юлбат авылы китапханәсе мөдире Нәсфия Хамитова сөйләгән шигырьләрне  килгән кунаклар көчле алкышларга күмде. Бәйрәм мул табыннар артында дәвам итте.

Безнең бакчабызда яраткан шагыйребез Габдулла Тукайның  туган көненә багышланган бәйрәм булды. Кичәгә Йосыф-Алан урманыннан Шүрәле дә кунакка килде. Ул буш кул белән килмәгән, балаларга кызыклы биремнәр алып килгән. Балалар биремнәрне бик теләп башкардылар. Кичәгә ямь өстәп Юлбат авылы китапханәсе мөдире Хамитова Нәсфия апалары да  килгән иде. Клуб мөдире Илгизә Зиннатулловна  балалар белән төрле уеннар оештырды.Ә балалар бакчада өйрәнгән Габлулла Тукай шигырьләрен сөйләделәр. Кичә бүләкләр тапшыру һәм "Туган тел" җырын күмәк башкару белән тәмамланды.

Каникул көннәрендә Йосыф-Алан балалар бакчасында тәрбияләнүче балалар һәм мәктәп укучылары көче белән әзеләнгән концерт булды. Балалар үз осталыкларын күрсәттеләр, авыл халкын ял иттерделәр.

Нәүрүз әйттек без сезгә,

Яшегез җитсен йөзгә,

Малыгыз артсын көзгә-

Нәүрүз мөбәрәк булсын!

Йосыф-Алан балалар бакчасында клуб мөдире Илгизә Зиннатулловна белән берлектә балалар язучысы Корней Чуковский әкиятләре белән танышу чарасы үткәрелде. Балалар Доктор Айболит роленә кереп җәнлекләрне дәваладылар, "Мойдадыр" әкиятендәге шапшак малайга гигиена кагыйдәләрен өйрәттеләр. Чара "Муха-цокотуха"мультфильмын карау белән тәмамланды.

Йосыф-Алан балалар бакчасында "Иң кадерлем-әнием" дигән бәйрәм үткәрелде. Балалар әниләрен котлап җырлар җырладылар, шигырьләр сөйләделәр, күңелле уеннар уйнадылар, биеделәр. Әниләр бакча коллективын бәйрәм белән котлап, иң изге теләкләрен җиткерделәр.