Батыр солдат булып таш һәйкәлләр

Баскан бүген мәйдан түренә.

Җиңү көне килеп җиткән саен, 

Күпме күз яшләре түгелә.

Җиңү көне җиңел килмәде ул,

Ятып калды илем уллары.

Алар хөрмәтенә байракларны

Күтәрербез горур, югары.

Йөзләр меңнәр милионнар булып,

Утка кергән Ватан солдаты.

Исемнәре җырга әйләнгән бит

Җиңү алып кайткан солдатның.

Ветераннар сафын барлый яшьләр,

Алмаш килә илне яратып. 

Җиңү көнен каршы алабыз без, 

Җиңү маршын горур яңгыратып.