Бүген Түбән Симет клубы белән берлектә Габдулла Тукайга багышланган «Тукай безнең йөрәкләрдә… » дип исемләнгән бәйрәм уздырдык. Балалар Г.Тукайның шигырьләрен сөйләделәр, җырларын җырладылар. Бәйрәмебезгә "Су анасы" әкиятеннән Су анасы да килгән иде. Аның белән бергәләшеп "Эссе - суык", "Ачык авыз", "Түбәтәй" уеннарын уйнадык һәм биедек.

Габдулла Тукай "Бала белән күбәләк"

Бала:

Әйт әле, Күбәләк, 
Сөйләшик бергәләп: 
Бу кадәр куп очып 
Армыйсың син ничек?

Ничек соң тормышың? 
Ничек көн күрмешең? 
Сөйләп бирче тезеп, 
Табаламсың ризык?

Күбәләк:

Мин торам кырларда, 
Болында, урманда; 
Уйныймын, очамын 
Якты көн булганда.

Иркәли һәм сөя 
Кояшның яктысы; 
Аш буладыр миңа 
Чәчәкләр хуш исе.

Тик гомрем бик кыска: 
Бары бер көн генә,— 
Бул яхшы, рәнҗетмә 
Һәм тимә син миңа!

Авылыбыз фельдшеры Илсөя апабыз безгә "Детский травматизм" дип аталган чыгыш ясады. Җәрәхәтләнүләрнең ни рәвешле килеп чыгуын, аны булдырмау юлларын әйбәтләп аңлатты.Илсөя апа чыгышын без бик яраттык һәм аның белән бергә фотога да төштек.