Балалар дендрологик бакчада үсемлекләрнең һәм агачларның күплегенә сокланып карадылар. Биредә тырыш урман хуҗалыгы хезмәткәрләре 11,25 гектарда матур ландшафт булдырып, Ерак Көнчыгыш, Европа һәм Азиянең күп кенә Үсемлек төрләрен утыртканнар. Бакчада банан, папайя, ананас, инҗир, лимон, мушмула һәм башка экзотик үсемлекләрнең ничек үсүен һәм җимеш бирүен күрергә, кактуслар коллекциясенә сокланырга, пальма фонында фотога төшәргә һәм Буадагы балыкларны күзәтергә мөмкин.              Бакча территориясендә тагын бер юнәлеш бар, ул әкиятләр белән бәйле, анда әкият персонажлары, шулай ук безнең якларда күрергә мөмкин булган урман хайваннары скульптуралары күрсәтелгән. Монда шулай ук борынгы заманнарда безнең әби - бабаларыбызның ничек яшәгәне, нинди эш коралларын кулланганнары һәм нинди матурлык эшләгәннәре күрсәтелгән.                                                                     Экскурсия бик кызыклы һәм бик файдалы булды.