Сабантуй бәйрәме − татар халкының иң олы бәйрәмнәренең берсе. Ул - хезмәт һәм дуслык бәйрәме. Эзмә “Саф чишмэ” балалар бакчасында да бу бәйрәм ел саен зурлап уздырыла. Быел да бакчабызда, гореф - гадәтләрне саклап, балалар өчен матур бәйрәм үткәрдек. Тәрбиячеләр мәйдан уртасында төрледән - төрле матур уеннар оештырдылар: капчык киеп йөгерү, кашыкка йомырка салып йөгерү, чиләкләр белән су ташу. Балалар чүлмәк ватучыларга көч биреп тордылар. Һәркем үзенең осталыгын күрсәтте: кемдер җырлады, кемдер биде. Барлык балалар Сабантуй бүләкләре оттылар. Бөтен җирдә − уен-көлке, шаярулар хөкем сөрде. Балалар Сабан туе шаулап-гөрләп үтте.