Бакчабызда зур бәйрәм- бакча белән хушлашу кичәсе. Без бакчабыздагы иң акыллы, иң тәртипле балаларны мәктәпкә белем алырга озатабыз. Шуклыклары белән безне сагайткан, шат авазлары белән безне сөендергән, бәйрәмнәрдә, эштә безнең зур ярдәмчеләребез булган балалар бүген балалар бакчасына соңгы тапкыр бәйрәмгә җыелдылар. Ә шулай да безнең күңелләребез шат, чөнки балалар барысы да матурлар, сау-сәламәтләр!

Кадерле, балалар! Без сезгә иң изге теләкләрне телибез. Мәктәпне дә бакчаны яраткан кебек яратыгыз, тырышып укыгыз. Сау-сәламәт, озын гомерле, белемле, акыллы балалар булып үсегез. Бу балалар безнең бакчаныкы диеп, безгә сөенеп торырга язсын.

Бәхетле матур киләчәк, ак юллар сезгә, балалар!

Хушлашабыз бүген бакча белән,

Күңелебез тулган шатлык белән.

Барлык килгән кунак безне котлый,

Бәйрәм белән дуслар, бәйрәм белән!