Челтер-челтер чишмә ага,

Көмеш төсле сулары.

Су өстендә җем-җем итә

Көннең алтын нурлары.

–Тау астында чишмәбез,

Су алырга төшәбез.

Татлы суын без аның

Бик яратып эчәбез.

    “Су яшәү чыганагы” атнасының йомгаклау чарасы буларак, балаларда табигатькә, яшәү чыганагы булган суга сак караш һәм мәхәббәт тәрбияләү,  чишмә белән таныштыру  чишмәләр, су үзенчәлекләре  турындагы белемнәрен тирәнәйтү, табигатьтә һәм кеше тормышында суның, чишмәләрнең ролен аңлату, аларның күзаллауларын, мөстәкыйль фикер йөртә белү сәләтен, игътибарлыкларын үстерү максатыннан Тимершык авылы “Әрәкә” чишмәсенә экскурсиягә бардык.                                                                                                       

     Чишмәләр - безнең рухи байлыгыбыз. Чишмә һәм җыр, чишмә һәм гореф-гадәт, чишмә һәм тел. Чишмәләр белән безнең татар халкының гореф-гадәтләре тыгыз бәйләнгән. Чишмәләр кечкенә булсаларда, табигатькә җан кертүчеләр, елга, күл,инеш, дингез һәм океанарга тормыш өрә торган табигать  байлыклары буларак әһәмиятле.

Чишмәләргә кешеләр борынгы заманнардан ук табынып яшәгәннәр.Чишмә суларын эчеп дәваланганнар.Чишмәләр сафлыкка,чисталыкка өндәгән.Чишмәләр янында кешеләр сафланып , чистарып киткәндәй була. Һәр чишмәнең үз тарихы, үз моңы, үз юлы бар. Бер чишмәсе шаулап ага, тавышы еракларга ишетелә. Икенчеләре акрын гына тавыш белән ага, өченчеләре җир куеныннан кайнап , ургылып чыга.

    “Әрәкә” чишмәсе борынгы чишмәләрдән санала. Элек яшьләр бу чишмә буенча уенга төшкәннәр. Исеменә килгәндә төгәл аңлатмасы юк. “Әкә” – сүзенең олы кеше, ыру башлыгы дигән мәгънәләре бар икән, “әр-әкә” - ир-ага дигән мәгънәсе дә очрады. Әле тагын әрәкә-мәрәкә – буталыш; кызык хәлләрдә катнашу, аяныч хәлләрдә калу дигәнне дә аңлата икән. Аның янәшәсендә тибеп чыккан яңа чишмә дә барлыкка килде. Ул чишмәне Гарифуллин Илдус абый һәм Мөбәрәкшин Фәрит абый бик матурлап ясап куеп, әтиләренә багышлап “Хаҗи чишмәсе” дип атадылар.

    Һәр зур елга кечкенә чишмәләрдән башлана.Шуны онытмыйк!Туган якның җырчы чишмәләре бертуктаусыз челтерәп аксыннар! Безнең чишмәләребез корымасын, гел челтерәп агып торсыннар, аларны пычранудан саклыйк.