Тимершык “Кояшкай” балалар бакчасының балалары, Саба районының матур табигатьле, урман эчендә урнашкан Лесхоз бистәсенә сәяхәткә чыктылар. Иң элек, балалар искиткеч дендросад – табигый лабораторияга юл тоттылар. Монда аларны төрле әкият персонажлары һәм төрле җәнлекләрнең сыннары каршы алды.                                               

      Аннан Саба урман хуҗалыгы тарихы музеена юл тоттык. Биредә балаларны музей экспонатлары белән таныштырдылар. Урман хуҗалыгы музеенда  булу да безгә бик ошады. Музейда урман хуҗалыгының үткәне һәм бүгенгесе белән таныштык, урманнарыбызда яшәүче кошлар һәм хайваннарны тагын бер кат күз алдыннан үткәрдек. 

      Аннан “Колокольчиклар” музеенда булдык. Һәр кыңгырауның үзчыңы,  яңгырашы, моңлы тавышы бар. Балалар үзләре дә кыңгырауларны чыңлатып кагып карадылар.

       Балалар уздырылган сәяхәттән бик канәгать калдылар, әлеге сәяхәттән күтәренке күңел, рухи канәгатьләнү алдылар.