Мәкальләр нигезендә балаларда шәфкатьлелек, миһербанлылык, дуслык, гаделлек, әдәплелек хисләре, өлкәннәргә карата игътибарлы булу сыйфатларын, туган якка, китапка мәхәббәт хисләре тәрбияләү максатыннан бакчабызда “Нәрсә ул яхшы, ә нрсә ул начар?” исеме астында мәкальләр кичәсе булып үтте. Мәкальләрне куллану, аларны өйрәнү, хәтердә калдыру,урынлы файдалана белү безнең сөйләмебезне баета, логик фикерләвебезне үстерә, камилләштерә, халыкка, туган телебезгә мәхәббәт, гүзәл сыйфатлар тәрбияли. Әгәр дә балалар кече яшьтән үк мәкальләрне җыеп һәм теркәп барсалар, ул шөгыльләрдә генә түгел, гомер юлларында да аларга бик яхшы киңәшче булыр иде.