Сез беләсезме икән, дөньяда кешегә нәрсә бәхет китергәнен? Кешегә хезмәт бәхет китерә. Бары тик яраткан шөгыле, һөнәре булган кеше генә тулы бәхеткә ия. Дөньяда ничәмә-ничә төрле һөнәр бар. Һәр кеше үзе сайлаган һөнәрен яратып, аңа чын күңелен, бөтен көчен, тырышлыгын биреп башкарса гына, ул зур уңышларга ирешә ала, үз эшенең чын остасы була. Эштә булдыксызлык күрсәтү- ялкаулык белән дуслашу дигән сүз. Ә ялкаулык белән хезмәт - кан дошманнар икәнен беркайчан да онытмагыз! Балалар шушы вакыйганы "Башак" әкияте аша  сәхнәләштереп күрсәттеләр.Ә тамашачы балалар игътибар белән карап, үзләренә кирәкле нәтиҗәләр ясадылар.