Бүген, 8 март-Халыкара хатын-кызлар бәйрәме уңаеннан бакчабызда "Әбием-алтыным" дип исемләнгән балалар иртәсе булып үтте. Безнең кунакларыбыз- безнең иң яраткан кешеләребез - әбиләребез, дәү әниләребез ! Кемнәр безне көн дә "исән-сау йөр балам"-, диеп озатып кала, кочак җәеп, елмаеп каршы ала, берсеннән берсе татлы ризык белән сыйлый, намазлыкта безгә бәхет теләп дога кыла !? Алар безнең әбиләребез, дәү әниләребез !!! Бәйрәмгә  алар бик шатланып килгәннәр. Оныкларының үзләренә багышланган  шигырь-җырларын, алар күз яше аша сөенеп тыңладылар, кушылып биеделәр. Аларны шатландыру балалар өчен тагын да зур куаныч булды. Үз куллары белән ясаган бүләкләр бәйрәмгә тагын да нур өстәде.