Бу атна "Кышкы уеннар һәм ярышлар" темасы астында үтте. Без балалар белән сишәмбе көнне таудан чана шуарга бардык . Балалар рәхәтләнеп шудылар , кар бабай кыяфәтенә керсәләр дә бер дә кайтасылары килми үзләренең.

Балалар бик тиз арада чаңгы шуу серләренә өйрәнделәр.Урамга чыгу сәгатен минутлап көтәләр алар.Чаңгыда шууны бик яраттылар балалар. Пәнҗешәмбе көнне мәктәпкә әзерлек төркеме белән чаңгы ярышы үткәрдек.Анда кызлардан Бәгдәнурова Динә, ә малайлардан Гарифуллин Гадел һәм Алтынбаев Ранилләр үзләренең җитезлекләрен һәм осталыкларын күрсәтеп алдынгы урыннар алдылар.

Атна дәвамында балалар кышкы уеннарга багышланган рәсемнәр һәм аппликацияләрне бик яратып һәм тырышып ясадылар.

Атнабыз ике команда арасында "Күңелле стартлар" уены белән төгәлләнде.Балаларыбыз бик җитез,шаян һәм сәламәт! Без моңа бик шатбыз!!!