Зурлар төркеме тәрбиячесе Шавалиева Фарида Басировна балаларны математика иленә алып барды.Алар атна көннәрен санадылар, тәртип буенча, кирегә санадылар."Серле чәчәк " уены балаларга бигрәктә ошады. Геометрик фигураларны әйтеп, төсләрен санап чагыштырдылар.Телдән мәсьәләләр чиштеләр, язып мисаллар эшләделәр.Балалар кызыксынучан, игътибарлы,оешкан, иҗади булдылар, сорауларга дөрес җавап бирделәр, иптәшләренең җавабына өстәргә омтылдылар.Тәрбияче шөгыльдә уен алымы, логик фикер йөртү,үстерелешле уеннар үткәрде, нәтиҗәсе аңлаешлы булды.