2017 елның 19 декабрендә Саба “Бәләкәч” балалар бакчасында “Ел тәрбиячесе -2018” бәйгесенең 2 этабы булып үтте. Сатыш “Кояшкай” балалар бакчасыннан  тәрбияче Сабирова  Чулпан Ризвановна катнашты. Ул уртанчылар төркемендә “Математика иленә сәяхәт” дигән темага белем бирү эшчәнлеге үткәрде.

Әниләр көне уңаеннан Сатыш балалар бакчасында бәйрәм булып үтте. Бәйрәмгә әниләр, әбиләр килгән иде. Балалар аларны котлап шигырьләр сөйләделәр, җырлар җырладылар, биеп тә күрсәттеләр.

2017 елның 16 ноябрендә Сатыш “Кояшкай” балалар бакчасында ЮХИДИ хезмәткәре катнашында юл хәрәкәте кагыйдәләрен өйрәнү буенча белем бирү эшчәнлеге үтте. Эшчәнлек барышында балалар урамда үз-үзеңне дөрес тоту кагыйдәләрен, светофорның сигналлары, юл билгеләре турында белемнәрен ныгыттылар. Инспектор белән Светофорга балалар шигырьләр сөйләделәр, табышмакларга җаваплар таптылар, җырлар җырладылар. ЮХИДИ хезмәткәре Гүзәл Ягфарова балаларга киңәшләр бирде, бүләкләр тапшырды. 

"Китап - киңәшчең синең" атналыгының йомгаклау чарасы итеп китапханәгә экскурсия оештырылды. Балалар китап, аның кайдан килүе, китапханәче хезмәте турында белемнәрен киңәйттеләр.

Сатыш "Кояшкай" балалар бакчасында 2017 елның 19 октябрендә зона семинары үтте. Бигәнәй, Мамалай, Ю.Шытсу, Т.Шытсу, Юлбат, Кибәче балалар бакчасыннан тэрбиячеләр җыелды. Тәрбияче Ләйлә Рафаиловна балалар белән  "Көзге манзара"га сәяхәткә барды. Урман, андагы үсемлекләр белән таныштырды. Тәрбияче Чулпан Ризвановна, рәсем ясау техникасы-граттажны кулланып, кунакларны иҗат итәргә чакырды. Музыка җитәкчесе Дилбәр Дамировна, ата-бабалардан калган гореф-гадәтләрне искә төшереп, балалар белән "Түгәрәк уен" уйнады.