Елның елында балаларның җәйге ялын оештыруга хөкүмәтебез һәм районыбыз җитәкчелеге тарафыннан зур игътибар бирелә. 1 июньнән 760 балага исәпләнгән көндезге мәктәп яны һәм 150 яшүсмергә исәпләнгән хезмәт һәм ял мәктәп яны лагерьлары (барлыгы 28 лагерь)  эшли башлый.  Көндезге лагерьлар хәрби-патриотик, туган якны өйрәнү, лингвистик, сәнгать-эстетик һәм физкультура-спорт, физика профильләрендә эшчәнлекләрен алып барачак. Мәктәп яны лагерьлары программалары балаларның яшь үзенчәлекләрен исәпкә алып төзелде.  Ул үз эченә акцияләр һәм рухи-әхлакый, патриотик тәрбия бирү, сәламәт яшәү рәвешен пропагандалауга юнәлтелгән төрле кызыклы ярышларны алган.

      Район лагере “Кояшкай”да мәгариф идарәсе линиясе буенча 2 сменада 130 бала ял итәчәк. Беренче атна 8 июньдә ачыла. 7 көн дәвамында кадетлар ял итәчәк. Алдагы атнада сәләтле балалар мәктәбе укучылары инглиз теле буенча белемнәрен ныгытачаклар, соңгы атна төрле мәктәпләрдән тупланган балалар өчен техник иҗат буенча оештырыла. Дәүләт ярдәменә мохтаҗ балаларга аеруча игътибар биреләчәк.