21 август көнне «Мәктәпкәчә белем бирү учрежденияләрендә федераль дәүләт белем бирү стандартларын тормышка ашыру юллары, белем бирү программасын проектлау”  темасына  педагогларның  секция  утырышы үтте. Секция эшендә мәгарифне үстерү институты доценты, педагогика фәннәре кандидаты  Латыпова Рәсилә Ильдусовна катнашты.  Ул үзенең чыгышында яңа белем бирү стандартларының үзенчәлекләре, балалар белән эшләү алымнары һәм программа төзү нечкәлекләре турында сөйләде. Секцияда  Олы Шыңар, Шәмәрдән балалар бакчалары тәрбиячеләренең эш тәҗрибәләре турында чыгышлар тыңланды.  Мәгариф идарәсе белгече А. Ә. Хәсәнова узган уку елына нәтиҗә ясап, алда торган бурычлар белән таныштырды.