2014 нче елның  5 нче март көнне  Юлбат урта мәктәбендә өстәмә белем бирү укытучылары өчен "Өстәмә белем бирү процессында заманча алымнар һәм формалар” дигән темага семинар үткәрелде. Шушы мәктәпнең "Вокал” түгәрәге буенча өстәмә белем бирү укытучысы  Аубакиров Фәрид Габделмәҗит улы  "Музыкаль термин - секвенция”, "Бумажные фантазии”  берләшмәсе җитәкчесе Габделхаева Гөлсинә Раян кызы "Квиллинг техникасы. Фоторамка бизәү” дигән темаларга мастер-класслар күрсәттеләр. Мәктәп күләмендә әзерләнгән "Аналарга җырлыйк мәдхия” дип аталган ачык чара каралды. Семинар түгәрәк өстәл артында дәвам итте һәм киңәшмә өлешендә узган уку елына нәтиҗәләр ясалды, яңа уку елының планнары белән фикерләр уртаклашылды.