21 нче февраль көнне  Балтач районында республика буенча мәгариф хезмәткәрләре кышкы Спартакиадасының финал ярышлары узды. Спартакиада Татарстан Республикасы Мәгариф һәм фән министрлыгы тарафыннан II тапкыр мөгаллимнәр, мәгариф оешмалары, муниципаль берәмлекләр башкарма комитетларының мәгариф бүлекләре (идарәләре) җитәкчеләре арасында физик тәрбияне пропагандалау, спортны популярлаштыру, физкультура – спорт эшен җанландыру максатыннан оештырыла. Спартакиадада Республиканың 49 районыннан килгән мең ярымнан артык мәгариф хезмәткәре катаншты. Саба районы җыелма командасы бишенче урынны яулады. Алар  9 төр буенча көч сынаштылар: чаңгыда йөгерү эстафетасы, коньки (шорт-трек), өстәл теннисы, дартс, шахмат, волейбол, канат тарту, турнакта тартылу, “отжимание”.