4-6нчы март көннәрендә Казан шәһәрендә узган татар мәктәпләре өчен әдәбият фәне буенча республика олимпиадасының йомгаклау этабында Саба районы укучылары зур уңышларга иреште. Алар 18 призлы урын яулады, бу  районыбыз укучылары һәм укытучыларыбызның тырышлыгы нәтиҗәсе. Шулардан 10 призлы урын Эзмә урта мәктәбе укучыларыныкы (укытучылары-  Һадиева Гөлнара Әхмәт кызы). Шулай ук призлы урыннарга Сатыш, Югары Симет, Килдебәк урта, Түбән Шытсу, Сабабаш һәм Мичән төп мәктәпләре укучылары да лаек булды.

Призлы урыннарга ия булган укучыларны һәм аларның укытучыларын чын күңелдән котлыйбыз! Сезнең уңышларыгыз безнең өчен зур горурлык. Алга таба да  яңа җиңүләр һәм иҗади уңышлар телибез!