16нчы август көнне Саба гимназиясе базасында Саба районы мәгариф хезмәткәрләренең  август конференциясе кысаларында   татар теле һәм әдәбияты укытучыларының секция утырышы булып узды. Утырышта узган уку елы нәтиҗәләре һәм татар теле һәм әдәбиятын укытуның  актуаль мәсьәләләре буенча фикер алышу булды. Төп доклад белән Саба мәгариф идарәсе методисты Гайнуллина Л.Ф.  чыгыш ясады. Шулай ук районның методик берләшмә җитәкчесе Сабирова Р.Ә., Эзмә урта мәктәбе укытучысы Һадиева Г.Ә., Олы Шыңар урта мәктәбе укытучысы Мөхәммәтова С.М. чыгышлары тыңланды. Олы Кибәче урта мәктәбенең югары категорияле туган тел укытучысы Гафиятова Ә.Ф. “Китап уку- күңел нуры” дигән темага осталык дәресе күрсәтте. Саба гимназиясенең татар теле укытучылары “Максатка ирешүдә уен алымы” дип аталган квест уздырды. Түгәрәк өстәл барышында туган тел һәм әдәбият укытучыларының норматив базасы турында фикер алышулар булды, 2024-2025 нче уку елына татар теле һәм әдәбияты укытучылары алдына куелган максат һәм бурычлар каралды, район метод берләшмәсенең эш планы расланды.