Җәй  - ул яшеллек, матурлык, күңелле сәяхәтләргә бай, рәхәтләнеп ял итә торган вакыт. 1нче июньнән районыбызның 20 мәгариф учреждениесендә мәктәп яны лагерьлары эшли башлады. 21 көнгә исәпләнгән ял һәм сәламәтләндерү лагерьларында барлыгы 1000 укучы ял итә, төрле өлкәләрдә белемнәрен ныгыта, экскурсияләргә бара, бәйгеләрдә көч сынаша. Шулай ук 20 мәктәптә хезмәт һәм ял лагере дә эшли. Аларда 150 укучы ял һәм хезмәтне бергә үреп алып бара.  

   Районның "Кояшкай” стационар лагереның  беренче сменасы спортны үз итүче балалар өчен үз ишекләрен ачты. Соңрак укучылар “Сәләт” һәм “Техник иҗат” сменасына җыелачаклар.