14нче март  көнне Иштуган урта мәктәбендә  районыбызның татар теле укытучылары өчен “Татар теле һәм әдәбиятын укытуда функциональ грамоталылык” дигән темага семинар булып узды. Семинар кысаларында Иштуган 
мәктәбе укытучылары Маркелова Л.Г. белән Галиахметова Г.Н. дәресләрдә функциональ грамоталылыкны үстерүгә юнәлтелгән ачык дәрес һәм методик остаханә күрсәттеләр. Шулай ук, семинар кысаларында, районның татар теле укытучылары өчен “Милли гореф-гадәтләр” дигән квест  оештырылды, укучылар чыгышлары каралды. Түгәрәк өстәл барышында уздырылган чаралар анализланды, район мәгариф идарәсе методисты Гайнуллина Ләйсән Фәрид кызы чыгышы тыңланды.  Семинар  эшлекле һәм файдалы узды.