9 нчы ноябрь көнне гимназия базасында  туган тел укытучыларының “Татар теле һәм әдәбиятын укытуда яңа алымнар” дигән темага район семинары үтте. Семинар кысаларында гимназия укытучылары Газиянова Р.М. һәм Шакурова М.Ш. ачык дәресләр, Хәлилова М.С. осталык дәресе күрсәтте. Район методик берләшмә җитәкчесе Сабирова Р.Ә.  “Визуализация” алымы буенча мастер-класс, Эзмә урта мәктәбе укытучысы Һадиева Г.Ә. һәм Кибәче урта мәктәбе укытучысы Сафина С.З. татар теле һәм әдәбият укытуда яңа алымнар куллану буенча практикум уздырдылар. Шулай ук, район укытучылары гимназиянең татар теле укытучысы Хәлилова Л.Х. җитәкләгән драма түгәрәге эшчәнлеге белән дә таныштылар. Алар укучылар сәхнәләштергән “Өч кыз” әкиятен тамаша кылды.  Түгәрәк өстәл барышында каралган чаралар анализланды, район мәгариф идарәсе методисты Гайнуллина Ләйсән Фәрид кызының чыгышы тыңланды. Семинар  эшлекле һәм файдалы узды.