22 август көнне  психологик үзәктә укытучы-логопед, педагог-психологлар һәм социаль педагогларның "Белем бирүнең эчтәлеген яңарту һәм сыйфатын күтәрүнең стратегик максатлары һәм актуаль бурычлары" темасына  район методик берләшмәсенең секция  утырышы булып узды. Утырышны район мәгариф идарәсенең тәрбия эшләре буенча директор урынбасары Шафикова Г.И. ачып җибәрде.  Мәгариф идарәсе методисты Гимадиева А.И. үткән уку елына нәтиҗә ясап, киләсе уку елына бурычлар билгеләде. Әлеге утырыш кысаларында  мәгариф оешмаларында эшләүче укытучы-логопед, педагог-психологлар мастер-класслар күрсәтеп,  яңа эш алымнары белән уртаклаштылар. Утырышны алга таба дәвам итеп, психологик үзәк җитәкчесе А.И. Ногуманова яна уку елы өчен планнар белән таныштырды, яңа килгән хезмәткәрләр белән  тәҗрибә уртаклашты,  киңәшләр бирде.