14 май көнне районыбыздан 5 укучы Татар халкы һәм Татарстан тарихы буенча укучыларның VI Республикакүләм конкурсының II йомгаклау турында катнашып кайттылар. Беренче өлештә укучылар үзләренең фәнни эшләрен якладылар, икенче өлештә БДИ форматында тест эшләделәр. Гомуми нәтиҗәләр буенча Курсабаш урта мәктәбенең 11 нче сыйныф укучысы Нафикова Гөлнара II урынны алды (укытучысы Юсупова Р.И.). Аерым секцияләрдә эшләү нәтиҗәләре буенча Тимершык урта мәктәбенең 9 нчы сыйныф укучысы Заһидуллин Искәндәр II урын (укытучысы Фазылова Г.Җ.), Юлбат урта мәктәбенең 10 нчы сыйныф укучысы Фаляхова Фәридә II урын (укытучысы Сафин И.Ф.), Килдебәк урта мәктәбенең 11 нче сыйныф укучысы Касыймова Ләйлә III урынны (укытучысы Абдуллина Л.М.) алдылар. Эзмә урта мәктәбеннән Мөбәрәкшина Айсылу I тур җиңүчесе буларак Фән һәм мәгариф министрлыгының рәхмәт хаты белән бүләкләнде. Җиңүче укучыларга Шиһабетдин Мәрҗәни исемендәге тарих институтының фәнни хезмәткәрләре китаплар, дипломнар тапшырдылар.