26 нчы август көнне Саба районы мәгариф хезмәткәрләренең август конференциясе кысаларында татар теле һәм әдәбияты укытучыларының секция утырышы булып узды. Утырышта узган уку елы нәтиҗәләре һәм туган тел укытуның актуаль мәсьәләләре буенча фикер алышу булды. Төп доклад белән Саба мәгариф идарәсе методисты Гайнуллина Л.Ф. чыгыш ясады. Шулай ук район метод берләшмә җитәкчесе Сабирова Р.А., Шәмәрдән лицее укытучысы Мингазова Н.Ф., Сабабаш төп мәктәбе укытучысы Мөхәрләмова З.М., Икшермә кадет мәктәбе укытучысы Гарәфиева М.И., чыгышлары тыңланды. Сәләтле балалар мәктәбе укытучысы Шәмсетдинова Л.Т. “Дәресләрдә арт-технологияләр куллану” дигән темага остаханә оештырды. Секция утырышы “Туган тел (татар теле) һәм әдәбият: хәзерге заман, тәҗрибә, методлар һәм алымнар” дигән тема астында үтте.