23 нче апрель көнне Казан шәһәрендә татар теленнән VIII халыкара олимпиаданың йомгаклау тантанасы булып узды. Студентлар һәм мәктәп укучылары өчен уздырылган әлеге бәйгенең төп максаты - татар телен саклау һәм үстерү, аны дөньякүләм дәрәҗәгә күтәрү, туган телгә, әдәбиятка, сәнгатькә карата кызыксыну уяту, ихтирам хисләре тәрбияләү. Бу олимпиаданың икенче турында Саба районнан 21 укучы катнашты һәм уңышлы чыгыш ясады. Биш укучы призлы урын алуга иреште. Сәләтле балалар мәктәбеннән Исхакова Зилә (укытучысы Шәмсетдинова Л.Т), Әскәрова Камилә (укытучысы Шәмсетдинова Л.Т ), Галиакберова Гөлнара (укытучысы Галимҗанова С.В.), Тимершык урта мәктәбеннән Хазиева Айлия (укытучысы Гарифуллина И.И.), Шәмәрдән лицееннан Мингазова Алзирә (укытучысы Сабирова Р.А.). Җиңүчеләрне котлыйбыз, алга таба да зур уңышлар телибез.