Агымдагы елның 2-4 апрель көннәрендә Казанда «Сандугач керде күңелгә» Бөтентатар җыр фестивале булып узды. Әлеге фестивальгә республикабызның төрле районнарыннан 90нан артык конкурсант җыелган иде. Шулар арасында безнең районнан Фатыйхов Фаннур, Тулейпбайтеги Рабига, Шакиров Алмаз, Мирзина Зәлия, Шаймарданов Миндияр катнаштылар. Конкурста катнашучыларга татар халык, 60-70-80 ел, 2 эстрада җыры башкару шарт иде. Әлеге сынауларны үтеп безнең районнан Фатыйхов Фаннур(җитәкчесе Аубакиров Ф.Г.) җиңүгә иреште һәм Махсус бүләк номинациясендә лауреат исеменә лаек булды, калган катнашучыларга таныклыклар тапшырылды.