11 нче март көнне Олы Кибәче урта мәктәбендә тәрбия эшләре буенча директор урынбасарларының “Әхлаклылык һәм рухи тәрбия – укучы шәхесен үстерүнең өстенлекле юнәлеше” дигән темага район семинары үтте. Семинарның беренче көн тәртибендә 1-4 класслар катнашында “Чишмәләр чыңы” дип исемләнгән класстан тыш чара, 5 сыйныфта “Ата-ана бәхете...” дигән класс сәгате, “Җаныбызда кояш йөртик” дип исемләнгән тәрбия чарасы каралды.

Икенче көн тәртибе буенча  түгәрәк өстәл янында сөйләшү чын мәгънәсендә тәҗрибә уртаклашуга кайтып калды, төркемнәрдә семинар темасы буенча биремнәр эшләнде, мәгълүмати-методик үзәк методисты Хасанова А.А.ның чыгышы тыңланды. Семинардан эшлекле тәҗрибәне һәркем мәктәп – гимназияләрдә дәвам итәргә хәбәрдар калды.