15 нче ноябрь көнне Шәмәрдән лицеенда педагог-оештыручыларның  район семинары узды. Семинарның беренче өлешендә 4 нче сыйныф укучылары белән, Гильфанова Гөлшат Мөхәмәд кызы һәм Кәримова Албина Илфар кызы җитәкчелегендә, “Безнең балалар оешмасы” дип исемләнгән җыен (сбор) үткәрелде. Җыен тәмамланганнан  соң “Балалар иҗаты калейдоскобы” дип аталган концерт программасы тәкъдим ителде. Семинар Шәмәрдән лицее лидеры – Нургалеева Айгөлнең “Кем ул лидер? Ул нинди сыйфатларга ия булырга тиеш?” дип аталган әңгәмә-утырышы белән дәвам итте.

Ә соңыннан, Шәмәрдән лицееның тәрбия эшләре буенча директор урынбасары Емельянова Ләйсән Мәҗит кызы оештырган “Тимбилдинг” уены семинарга килгән һәр педагог-оештыручыга яңалык булды.

Семинарның йомгаклау өлешендә район балалар иҗат үзәгенең укыту-тәрбия эшләре буенча директор урынбасары Ф.Ф.Гайнетдинова һәм бүлек мөдире Л.И. Шаһидуллина тарафыннан семинарга анализ ясалды, тәкъдимнәр әйтелде. Шулай ук төрле конкурсларга нәтиҗәләр ясалды.