Шәмәрдән балалар китапханәсендә безнең балалар бакчасында тәрбияләнүчеләр өчен “Китап иленә сәяхәт” дип исемләнгән китапханә дәресе үткәрелде. Фойеда балаларны балалар китапханәсе мөдире Галиәкбәрова Р.Х. каршы алды. Чара барышында балалар китапханә тарихы белән таныштылар, китапханә мөмкинлекләре турында белделәр, тематик видеороликлар, презентация карадылар, балалар китапханәсе каршындагы клуб берләшмәләренең стендлары һәм алар белән уза торган чаралар белән таныштылар, үз-үзеңне тоту кагыйдәләре һәм китап белән эш итү кагыйдәләре турында искә төшерделәр.
Чараны алып баручы китаплар белән ничек дөрес итеп мөрәҗәгать итәргә кирәклеген һәм киштәләрдә китаплар ничек дөрес итеп куелганына игътибар итте. «Китап күргәзмәсе», «китап киштәсе», «формуляр» терминнары белән таныштырды. Шулай ук абонементтан файдалану кагыйдәләре дә яңгырады.
Чара барышында “Журналлар дулкынында” дигән күргәзмәдә вакытлы матбугатка күзәтү үткәрелде.  Балалар кызыклы һәм мавыктыргыч «Непоседа», «Ежик», «Щенячий патруль», «Веселые уроки», «Сабантуй», «Салават күпере» һ.б. журналлар турында белделәр. Балалар бик теләп «Герои «Злые» - «Добрые», «Друзья», «Узнай книгу», «Кто это?», «Работа со словами», «Улица загадок», «Бульвар стихов», «Самый, самая, самое», «Улица сказок», «Исправь ошибку» уеннарында актив катнаштылар.
Чараның икенче өлешендә Россия халыкларының халык сәнгате һәм матди булмаган мәдәни мирас елына багышлап, китапханә мөдире балаларга рәссамнар Мадияр Хаҗиев һәм Джумабек Базарбаевның тормыш юлы һәм иҗаты турында сөйләде. Ул балаларны Д.Базарбаевның «На окраине села…», «Станция Шемордан», «Центральная мечеть», «Центр с. Шемордан», «Память прошлого…», М. Хаҗиевның:  «Сияние луны», «В лесу Кырлая», «В родном доме», «Портрет Виктории» һәм «Ирисы» картиналары белән таныштырды.
Чара “Смешарики. Библиотека” мультфильмын карау белщн тәмамланды.
Китапханәгә сәяхәт кылып, балалар китапханәгә язылып, яхшы һәм пөхтә китап укучылар булырга гына түгел, ә әти-әниләре белән китап хәзинәләре патшалыгына кунакка килергә дә теләк белдерделәр.