Чәчәкләргә-гөлләргә күмелеп утырган бакчабызны күргәч күңелләр күтәрелеп китә. Җәйнең коры килүенә дә карамастан "Теремок" балалар бакчасы алдында 25 тән артык төрле чәчәкләр үстерелә. Тәҗрибә кишәрлекләрендә төрле-төрле яшелчәләр үсүен,теплицада помидор кызаруын, борыч, кыяр өлгерүен балалар көн дә күзәтәләр, апаларына су сибәргә, уңыш җыярга булышып хезмәт тәрбиясе алалар. Нәниләрне дару үләннәре белән таныштыру максатыннан "даруханәче бакчасы" да оештырылган. Яз айларыннан кара көзгә хәтле шушы матурлыкны саклап хезмәт керткән тәрбиячеләргә, кече тәрбиячеләргә, бакча хезмәткәрләренә бик зур рәхмәт!