Уртанчы төркем  балалары   канәгатьләнү хисе белән үзләренә таныш булган әйберләрне - су һәм үсемлекләрне кулланып, тәҗрибәләр үткәрәләр, белемнәрен арттыралар.  Бүгенге тәҗрибә барышында, утыртыр алдыннан ни өчен орлыкларны  зарарсызландырырга, чәчәк орлыкларын дымландырырга кирәклеген белделәр, шытып чыккан суган кыякларын күзәттеләр. Әлеге эшчәнлек балаларны мавыктыра, эзләнергә этәрә,   төрле эш коралларын кулланып хезмәт куярга,   тәҗрибә үткәрү күнекмәләрен булдырырга ярдәм итә.