Нинди яшьтә булуга карамастан, кеше әкиятләрдә ниндидер серле, дулкынландырган хәзинә ачарга мөмкин. Бала вакытта әкиятләр тыңлап, кеше үзе дә уйламыйча тормыш турында мәгълүмат туплый, шуңа күрә “Әкият безне нәрсәгә өйрәтә? дигән сорау аша "әкият дәресләрен" танып белү кечкенәдән башланырга тиеш. Нәкъ менә шул максат белән буген, бакчабызда (Абдулла Алиш әсәре буенча)  "Сертотмас үрдәк" әкиятен курчак-театры аша  тәрбиячеләребез балаларга җиткезергә тырыштылар. Белгәнебезчә Үрдәк бер дә серне саклый белми торган булып чыга: урманда очраган һәрбер   җәнлеккә үзләренең ялгыз   калулары турында сөйли. Ахырда үзе дә хәйләкәр Төлкедән көч-хәл белән генә исән кала.

Театрны карап үткәч, балаларга уйларга, анализ ясарга, нәтиҗә чыгарырга тәгдим ителә, Һәм Татьяна Анатольевна биргән сорауга балалар:   “Бу әкият серне саклый белергә, дусларыңны куркыныч астына куймаска өйрәтә” дип җавап бирә.