Уртанчылар төркемендә  ата-аналар ярдәме белән  « Аулак өй» күренеше  Һәм «Орчык өмәсе»  үтте.   «Орчык өмәсе» - әби-бабаларыбыздан калган мирас. Ул кара көз җитеп, җиргә кар төшкәч уздырыла торган өмә. Хуҗа кеше  күп итеп йон әзерләп куя, кичтән тәм –томнар пешерә. Өмәгә күрше –күлән,  дус-ишләр чакырыла.  Бергәләп җыелгач, күмәк эш башлана. Кемдер йон яза, кемдер эрли, кемдер йомгак чорный, ә кемдер оекбаш бәйли. Шәл бәйләүчеләр дә булган. Бу эшне булдырырга  каба, орчык, оя дигән кораллар булышкан. Ә инде күңелле  булсын өчен,  болар барсы да уен – көлке, җыр –бию белән үрелеп бара.  Эшләр тәмамлангач , хуҗа кунакларын тәмле ризыклар белән сыйлый. Менә шундый бәйрәм турында күп белем алды  бүген балаларыбыз. Халкыбызның бик күркәм  гореф-гадәтләрен  искә төшереп, балаларга күрсәтүче  тәрбияче Гомәрова Гөлнар Илшат кызына, Әскәрова Гөлназ Ильяс кызына һәм әниләргә, дәү әниләргә бик зур рәхмәт.