Мәктәпкә әзерлек  төркеменә йөрүче  балалар  белән  тәрбияче апалары  “Дәү әнидә  кунакта” дигән  чара үткәрделәр һәм  «Бәлеш пешерү»  мастер –классында катнаштылар.  Бу  чарадан  көтелгән нәтиҗә: мәктәпкәчә яшьтәге балаларга уен –күренеш  аша инсафлылык , әдәплелек, мәрхәмәтлелек сыйфатларын формалаштыру. Татар милли ризыклары белән танышуны дәвам итеп, ата-аналар ярдәмендә, уйнап кына булса да,  чып-чын бәлеш пешерелде. Бәлеш эченә ниләр салынганын, ничек итеп туралганын күзәтеп, булдыра алганча ярдәм итеп, сүзле-җырлы-биюле уеннарда катнашып,  балалар  телебезнең матурлыгын, байлыгын аңларга,  үзләрендә күркәм сыйфатлар булдырырга, әти-әниләргә ,өлкәннәргә карата хөрмәтле-итәгатьле булырга , үзләрендә хезмәт сөю, тыйнаклык, шәфкатьлелек кебек күркәм сыйфатлар булдырырга өйрәнәләр. Бу төркем әниләре һәм дәү әниләренә, тәрбиячеләр  Гарифуллина Айсылу Ринат кызына , Әскарова Гөлназ Ильяс кызына балаларыбызны сөендереп,  олуг бәйрәм уздырганнары өчен  бик зур рәхмәтебезне белдерәбез.